Oktyabrın  9-dan 11-dək Mədəniyyət və Turizm, Gənclər və  İdman nazirliklərinin təşkilatçılığı ilə  paytaxtda keçiriləcək I Bakı Beynəlxalq idman filmləri festivalında  20 ölkə iştirak edəcək. Festivalda 50-dən çox bədii  və  sənədli film nümayiş etdiriləcək. Təqdim olunan  filmləri dünya kinematoqrafiya və idman sahələrində  böyük nüfuza malik olan  dəyərli münsiflər heyəti, nüfuzlu simalar  qiymətləndirəcək.  Filmlər  Nizami Kino Mərkəzinin zallarında nümayiş olunacaq.  Qaliblərə  münsiflər heyəti tərəfindən  "Xüsusi mükafat"  veriləcək və onlar  "Qran pri",  "İdman və cəmiyyət", "İdman və şəxsiyyət"  müsabiqə-nominasiyalarında  iştirak edəcəklər.