Bu günlərdə Ağstafa rayonunun Heydər Əliyev mərkəzində  2 nömrəli Bakı Peşə Liseyinin təlim-tərbiyə işləri üzrə direktor müavini Əyyub Paşanın "Bu günün, sabaha töhfəsiyəm mən" şeirlər kitabının təqdimat mərasimi keçirilib. Tədbiri şair-publisist, qocaman jurnalist Firdövsi Heydərli açaraq  kitabın ərsəyə gəlməsindən və bədii keyfiyyətindən danışıb. Nasir-rəssam Süleyman Mustafa,  Yazıçılar Birliyinin Ağstafa şöbəsinin sədri Kürsoy,  Yazıçılar Birliyinin Qazax şöbəsinin sədri Barat Vüsal, aktyor Tariyel Qasımov, şairlərdən Misir Həsənov,  Şahinə Könül   kitab haqqında xoş təəssüratlarını söyləyiblər.

Kitabın növbəti təqdimatı   2 nömrəli Bakı Peşə Liseyində olub. Burada tanınmış şairlər, müəllim və ziyalılar  kitab haqqında fikirlərini bildiriblər.

Sonda  Əyyub Paşa çıxış edərək tədbirin təşkilatçılarına minnətdarlığını bildirib. 

Şakir CƏFƏROV