Quba istirahət mərkəzində  təşkil olunan  "Azərbaycan doğma yurdumuzdur" adlı vətənpərvərlik  yay-istirahət düşərgəsində 6 mərhələli  olmaqla  aztəminatlı, şəhid və qaçqın ailələrindən olan  14-18 yaşlı 450 gənc iştirak edib. Bu tipli düşərgənin yaradılmasında  əsas məqsəd azərbaycançılıq məfkurəsinin təbliği  və diyarşünaslığın inkişaf etdirilməsi olub. İstirahət müddətində gənclərin  tarixi abidələrə ekskursiyaları təşkil edilib, intellektual oyunlar, debatlar keçirilib, azərbaycançılıq mövzusunda maraqlı mühazirələr dinlənilib.

Qeyd edək ki, düşərgə  Azərbaycan Respublikası Prezidentinin sərəncamı ilə təsdiqlənən "Azərbaycan gəncliyi  2011-2015-ci illərdə" Dövlət Proqramına əsasən təşkil olunub.