Məktəbəqədər tərbiyə müəssisələrinin maddi-texniki bazasını möhkəmləndirmək istiqamətində Qusarda müəyyən işlər görülür.

Rayon icra hakimiyyətindən AzərTAc-a bildirmişlər ki, rayonda 13 uşaq bağçası fəaliyyət göstərir. Məktəbəqədər müəssisələrdə 680 uşaq bağça təlimindən yararlanmaq imkanına malikdir. Odur ki, yeni uşaq bağçalarının tikintisi, mövcud bağçaların əsaslı təmiri zərurəti meydana çıxmışdır. Artıq bu zərurətin təmin edilməsi üçün işlərə başlanılmışdır.

Hazırda şəhər 3 nömrəli uşaq bağçası əsaslı təmir olunur. Binanın dam örtüyü yenilənmiş, müasir istilik sistemləri quraşdırılmışdır. Binada son tamamlama işləri aparılır. Tezliklə balacaları öz ağuşuna alacaq 60 yerlik bağça yeni inventar və lazımi avadanlıqla təchiz ediləcəkdir.