Avqustun 29-da Masallı Olimpiya İdman Kompleksində "Live Your Goals" ("Öz Məqsədini Yaşat") devizi ilə qadın futbolu festivalı keçirilmişdir.

AzərTAc xəbər verir ki, Azərbaycan Futbol Federasiyaları Assosiasiyasının, Gənclər və İdman Nazirliyinin təşkilatçılığı ilə keçirilən tədbirdə çıxış edən Masallı Rayon Gənclər və İdman İdarəsinin rəisi Camal Manafov bildirmişdir ki, hazırda dünyada 29 milyon qadın fəal şəkildə futbol oyunlarında iştirak edir.   Qadın futbolu festivalında çıxış edənlər bildirmişlər ki, yaşına, dininə, əqidəsinə, irqi mənsubiyyətinə və ictimai baxışına fərq qoymadan dünyada getdikcə daha çox qadın futbol oynamağa başlayır. İdmanla məşğul olan qızlar özlərini daha sərbəst və güclü hiss edirlər.

Festivalda müxtəlif viktorinalar təşkil edilmiş, futbolçu qızların bir qrupuna hədiyyələr təqdim olunmuşdur.

Tədbirin sonunda futbolçu qızlar qruplara bölünərək məşq etmişlər.