Gədəbəy rayonunda ümumi orta təhsil səviyyəsində yeni fənn kurikulumlarının tətbiqi ilə bağlı Azərbaycan dili və ədəbiyyat müəllimləri üçün təlim kursları keçirilib. Rayon təhsil şöbəsindən aldığımız məlumata görə, kurslarda yeni tədris ilində V siniflərdə dərs deyəcək 70 müəllim iştirak edib.

Şəhər 1 nömrəli və Kiçik Qaramurad kənd tam orta məktəblərində yaradılmış 2 mərkəzdə 4 qrup üzrə avqustun 6-dan 17-dək keçirilmiş kurslarda məşğələləri Təlim və İnkişaf Mərkəzinin əməkdaşları aparıblar.

Kursun sonunda keçirilmiş test imtahanının nəticələrinə əsasən müdavimlərə I və II dərəcəli sertifikatlar təqdim olunub. 

Y.ƏLİYEV