Masallı Rayon Təhsil  Şöbəsinin müdir müavini Tariyel Əkbərovdan aldığımız məlumatda bildirilir ki, rayonda "Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı"na uyğun olaraq dövlət vəsaiti ilə inşa edilən beş təhsil ocağı istifadəyə veriləcəkdir.

2011-ci ildə tikintisinə başlanılan 360 şagird yerlik Qodman, Sıgıncaq və Köçəkli,  80 şagird yerlik Dəmirçi və Ərəb kənd məktəblərində yeni binaların inşası başa çatmaq üzrədir.

Eyni zamanda Mollaoba, Böyük Xocavar, Binə Xocavar, Eminli kənd tam orta məktəblərində və Ləngan kənd ibtidai məktəbində cari təmir işləri aparılmışdır.