Almaniyanın Göte İnstitutunun Frankfurt şəhərində keçirilən növbəti ənənəvi beynəlxalq alman dili olimpiadasına yekun vurulmuşdur. Dünyanın 50 ölkəsindən 100-dək məktəblinin iştirak etdiyi bu mötəbər yarışmada ölkəmizi Bakıdakı 18 nömrəli tam orta məktəbin şagirdi Sevil Dəmirli təmsil etmiş və dil kateqoriyası üzrə olimpiada birincisi olmuşdur. İki həftə davam edən olimpiada zamanı iştirakçılar divar qəzetləri hazırlamış, qrupda təqdimatlar təşkil etmiş, viktorinalarda yarışmışlar.

Beynəlxalq alman dili olimpiadasının şərtlərinə görə, onun iştirakçıları əvvəlcə öz ölkələrində təşkil olunan müsabiqədən keçməlidirlər. Həmin müsabiqədə onların dil bilikləri ilə yanaşı, qrupda işləmək bacarıqları da qiymətləndirilir. 

Y.ƏLİYEV