Lənkəran Dövlət Universitetində Azərbaycan ədəbiyyatının görkəmli nümayəndələrindən biri, dramaturgiyamızın banisi Mirzə Fətəli Axundzadənin anadan olmasının 200 illik yubileyinə həsr olunmuş elmi konfrans  kecirilmişdir.

Tədbiri universitetin rektoru, fizika-riyaziyyat elmləri doktoru, əməkdar elm xadimi, professor Asəf İsgəndərov açaraq yubileylə əlaqədar ali məktəbdə görülmüş hazırlıq işlərindən danışmışdır.

Universitetin dil və ədəbiyyat kafedrasının dosenti, filologiya elmləri üzrə fəlsəfə doktoru Mirhüseyn Abbas "M.F.Axundzadənin həyat və yaradıcılığı" mövzusunda məruzə etmişdir.

LDU-nun müəllimlərindən filologiya elmləri üzrə fəlsəfə doktoru, Prezident təqaüdçüsü Hacı Mirhaşım Talışlı "M.F.Axundzadənin dini-fəlsəfi görüşləri", tarix elmləri üzrə fəlsəfə doktoru Əliağa Baxşıyev "M.F.Axundzadənin tarixi görüşləri", baş müəllim Qabil Əmənüllayev "M.F.Axundzadənin dramaturgiyası", Zülfiyyə Ağayeva "M.F.Axundzadə rus ədəbiyyatşünaslığında", Lənkəran rayonu Yuxarı Nüvədi kənd tam orta məktəbinin dil-ədəbiyyat müəllimi Ağabanu Məmmədova "M.F.Axundzadənin tərcüməçilik fəaliyyəti", Boladi kənd tam orta məktəbinin dil-ədəbiyyat müəllimi  Yalçın Heydərov "M.F.Axundzadənin realist nəsri", magistrant Vüsalə Axundova "M.F.Axundzadə yaradıcılığı Avropada" mövzularında çıxışlar etmişlər. 

Sonra tələbələrin iştirakı ilə ingilis dilində M.F.Axundzadənin "Hacı Qara" əsərindən parçalar göstərildi.

Tədbirin sonunda konfrans  iştirakçıları  universitet Elmi kitabxanasının M.F.Axundzadənin 200 illiyi ilə əlaqədar təşkil etdiyi kitab sərgisinə baxmışlar. 

Hacı Etibar  ƏHƏDOV,
LDU-nun Mətbuat və informasiya mərkəzinin rəhbəri