Azərbaycanlı tələbələr Türkiyənin Ərzurum şəhərindəki Atatürk Universitetində Beynəlxalq yay məktəbinin məşğələlərində iştirak edirlər.

Məktəbin Azərbaycan, Gürcüstan,  Malayziya,  İraq, İran, Pakistan,  İordaniya və Rumıniyadan gələn qonaqlarının qarşılanması mərasimində çıxış edən Atatürk Universitetinin rektor müavini, professor Sabahattin Tüzemen  bildirmişdir  ki,  dost  və  qardaş  ölkələrdən  gəlmiş  tələbələr bu məşğələlər zamanı türk  dilində  biliklərini təkmilləşdirəcəklər. Onlar, eyni zamanda türk  toplumunu daha yaxından tanımaq  imkanı  əldə  edəcəklər.

Beynəlxalq yay məktəbinin iştirakçısı olan 35 tələbə iki həftə müddətində türk dili, tarixi və mədəniyyəti ilə bağlı dərslərdə iştirak edəcək, həftə sonlarında Şərqi Qara dəniz bölgəsi və Ərzurumun rayonlarını gəzəcəklər.

AzərTAc