İyunun  23-də Bakı Humanitar Kollecində məzun günü keçirilib. Əvvəlcə məzunların ifasında  Dövlət himni səsləndirilib. Tədbiri giriş sözü ilə açan  kollecin direktoru İlqar Mahmudov  məzunlara və onların valideynlərinə təbriklərini çatdıraraq gənclərə Azərbaycan xalqına ləyaqətlə xidmət etməyi arzu edib.  Söz gecənin aparıcılarına verilib. Aparıcılar  məzunlara  ünvanlanan  təbrikləri oxuyublar.

"Qarabağ şikəstəsi" ilə  səhnəyə çıxan  məzunlar digər xalq və bəstəkar mahnılarını ifa etməklə həmin günü unudulmaz xatirəyə çeviriblər. Məzunlar  dahi bəstəkar Üzeyir Hacıbəylinin  "O olmasın, bu olsun"  və  "Arşın mal alan" tamaşalarından səhnələr göstəriblər.  Kollecin müəllimi Talıb Zülfiyev həmkarları   adından  məzunları təbrik edib,  onlara gələcək həyatlarında uğurlar, işlərində müvəffəqiyyətlər arzulayıb.

Gecənin sonunda məzunlar müəllimləri ilə xatirə şəkli çəkdiriblər.

Rəşad ZİYADOV