Naxçıvan şəhərində ulu öndər Heydər Əliyevin anadan olmasının 89-cu ildönümü münasibəti ilə "Naxçıvan OPEN 2012" beynəlxalq şahmat turniri keçirilmişdir. 1 nömrəli İxtisaslaşdırılmış Olimpiya Ehtiyatları Uşaq-Gənclər Şahmat-Dama İdman Məktəbinin 30-a yaxın yetirməsinin iştirak etdiyi yarış 3 qrupda keçirilmişdir. "A" qrupunda  beynəlxalq qrossmeyster, yığma komandanın üzvü Qədir Hüseynov IV yeri, beynəlxalq qrossmeyster, əməkdar məşqçi, yığma komandanın üzvü Azər Mirzəyev VIII yeri tutmuşdur. "B"  qrupunda Azər Abdullayev II yeri, Turan Əsgərova III yeri, Fərid Məmmədov isə I yeri tutmuşdur. Nəhayət, "C" qrupunda isə Nigar Manafova 8 yaşlı qızlar arasında I yerə, Fərid Abdullayev II yerə, Emin Kazımov isə 10 yaşlı oğlanlar arasında II yerə çıxmışdır.  

Rəşad ZİYADOV