Müstəqil  Azərbaycanın qurucusu, görkəmli dövlət xadimi,  ümummilli lider Heydər Əliyevin anadan olmasının 89-cu ildönümü ilə əlaqədar  olaraq Bakıdakı 310 nömrəli tam orta məktəbin akt zalında tədbir keçirildi. Dövlət himninin səslənməsindən sonra ümummilli lider Heydər Əliyevin əziz xatirəsi bir dəqiqəlik sükutla yad edildi.  Mərasimi giriş sözü ilə məktəbin direktoru  Rəsmiyə Quliyeva  açaraq ümummilli lider Heydər Əliyevi xalqımızın taleyində, iqtisadi, siyasi, mənəvi həyatında misilsiz xidmətlər göstərən dahi şəxsiyyət kimi səciyyələndirdi. Qeyd etdi ki,  Heydər Əliyev şəxsiyyətinin müdrikliyi, böyüklüyü ondadır ki, onun ideyaları, əməli fəaliyyəti təkcə bu günlə məhdudlaşmamış, həm də uzaq gələcəyə ünvanlanmışdır. Aparıcılar dahi şəxsiyyətin həyatı haqqında tədbir iştirakçılarına geniş məlumat verdilər.  Məktəbin şagirdlərindən Rəsul, Zəkiyə, Aytac, Ülvi  və başqaları ulu öndərə həsr olunan şeir söylədilər və mahnı ifa etdilər. 

Tədbirdə çıxış edən qonaqlar müstəqil Azərbaycanın yaradıcısı Heydər Əliyevin dövlətçilik ideyalarının yeni nəsillər üçün örnək olduğundan bəhs etdilər.

Sonda  ulu öndərə həsr olunmuş "Heydər Əliyevin ömür yolu" adlı film nümayiş olundu.