Mayın 1-də Xəzər Universitetində bu ali təhsil ocağının "Elm və Sənət Məclisi"nin növbəti məşğələsi keçirildi. Tədbirdə universitetin tələbə-müəllim heyəti ilə yanaşı, Azərbaycanın  bir sıra ali təhsil müəssisələrinin, eləcə də elmi-tədqiqat institutlarının alim və mütəxəssisləri, müvafiq dövlət qurumlarından nümayəndələr iştirak edirdilər. Məclisin budəfəki qonağı Türkiyənin Boğaziçi və ABŞ-ın Kolumbiya universitetlərinin professoru Reşit Canbeyli idi.

Tədbiri Xəzər Universitetinin təsisçisi, Direktorlar və Qəyyumlar Şurasının sədri, professor Hamlet İsaxanlı açaraq qonaq haqqında iştirakçılara geniş məlumat verdi. Sonra  professor Reşit Canbeyli "İşığın psixoloji effekti: bioloji saat və depressiya" mövzusunda məruzə ilə çıxış etdi. Hamı tərəfindən maraqla qarşılanan məruzə ətrafında geniş diskussiya aparıldı. Çıxış üçün söz alan alim və mütəxəssislər mövzu ilə bağlı fikir və mülahizələrini söylədilər.

Sonda professor Reşit Canbeyli tədbir iştirakçılarının ona ünvanladığı sualları cavablandırdı.         

Samirə KƏRİMOVA