İmişli rayonunda təhsil nazirinin müvafiq əmrinə əsasən, İKT üzrə kurslar təşkil olunur. Müəllimin peşəkarlıq səviyyəsinin artması və təkmilləşməsində "Mədəd-Azərbaycan" təşkilatının keçirdiyi bu kurslar mühüm rol oynayır.

İmişli Rayon Təhsil Şöbəsinin təşəbbüsü ilə bu dərs ilində rayonda da bu kurslar keçirilir. Bir həftə keçirilən kursların birində mən də iştirak etdim.

Xüsusi olaraq qeyd edim ki, kursun təlimçiləri Sevinc Məhərrəmova və Əfsanə İbrahimova öz peşələrinin vurğunlarıdırlar.

Kurs müddətində biz müasir təlim metodlarından necə istifadə etmək üçün zəruri təlimatlar və məlumatlar aldıq, yeni təlim metodları ilə tanış olub, müvafiq bacarıq və vərdişlərə yiyələndik. Həm də bu kursda öyrədən və öyrənən arasında münasibətlərin necə qurulması, yeni pedaqoji yanaşma üsullarını, müasir qiymətləndirmə və rəğbətləndirmələr barədə geniş məlumat və bilgilər aldıq.

Kursun təşkilatçıları və təlimçilərinə mən rayonumuzun müəllimləri adından dərin minnətdarlığımı və təşəkkürümü bildirirəm. 

Qumru QƏHRƏMANOVA,
İmişli rayonu Aranlı kənd N.Əsədov adına 2 nömrəli
tam orta məktəbin ibtidai sinif müəllimi