Türkiyənin Eskişəhər valisi Qədir Qoçdəmirin başçılıq etdiyi nümayəndə heyəti Bakı Dövlət Universitetində olub. Qonaqları qəbul edən rektor, akademik Abel Məhərrəmov BDU-nun tarixi, xarici əlaqələri barədə və Türkiyə universitetləri ilə əməkdaşlığından danışıb. Azərbaycan-Türkiyə dostluğunun və qardaşlığının daimi və əbədi olmasından söz açan rektor bu səfəri əməkdaşlığın gələcək perspektivləri baxımından uğurlu hesab edib.

Vali Qədir Qoçdəmir, öz növbəsində,  Eskişəhərin 2013-cü ildə türk dünyasının mədəniyyət paytaxtı seçildiyini və bununla bağlı olaraq Azərbaycanın da iştirak edəcəyi tədbirlərin nəzərdə tutulduğunu qeyd edib. Qonaq Türkiyədə təhsil alan azərbaycanlı, habelə Azərbaycanda təhsil alan türkiyəli tələbələrdən danışıb.  

BDU-nun Mətbuat və informasiya şöbəsi