Türkiyə Respublikasının ölkəmizdəki səfirliyindən aldığımız məlumata görə, aprelin 28-29-da Bakıda Türkiyənin 30-a yaxın universitetinin iştirakı ilə təhsil sərgisi keçiriləcək. İlk dəfə  baş tutan bu xüsusiləşmiş təhsil sərgisində azərbaycanlı tələbə və gənclərə yüksək keyfiyyətli təhsil imkanı, yataqxanalar və digər məsələlər barədə ətraflı məlumat veriləcək. Bundan əlavə, sərgidə türk universitetlərində pulsuz təhsil imkanları haqqında da təqdimatlar  olacaq.

Paytaxtın "Park.İnn" otelində keçiriləcək sərgi "Akademi group" şirkəti tərəfindən təşkil olunacaq. Sərgidə Türkiyənin Anadolu Universiteti, Bahçeşehir Universiteti, Boğaziçi Universiteti, Orta Doğu Texniki Universiteti və digər ali təhsil ocaqları təmsil olunacaqlar. 

Y.ƏLİYEV