Aprelin 18-də Bakıdakı 152 nömrəli tam orta məktəbdə Nəsimi rayonu "Şahinlər" hərbi idman oyununun rayon mərhələsi keçirildi.

Rayon mərhələsinin açılışında Bakı Şəhəri üzrə Təhsil İdarəsinin məsləhətçisi Yaqut Məmmədova və Nəsimi rayonu İdman Gənclər İdarəsinin rəisi Elburus Abdullayev, məktəb direktorları və digər şəxslər iştirak edirdilər. Azərbaycan Respublikasının Dövlət himninin sədaları altında mübarizəyə start verildi. Yarış ilk öncə sıra mərhələsi üzrə başladı.

Fərqlənən komandalar digər mərhələlərə buraxıldılar. Fiziki hazırlıq, mülki müdafiə hazırlığı, silahlar və atəş hazırlığı mərhələləri üzrə keçirilən yarışda komandalar arasında çox böyük rəqabət var idi.

1-ci yeri 16 nömrəli texniki-humanitar liseyin komandası, 2-ci yeri 23, 133 nömrəli, 3-cü yerə isə 111, 152 nömrəli tam orta məktəblərin komandaları layiq görüldü. 

R.ZİYADOV