Bakıdakı 308 nömrəli tam orta məktəbin VI "b" sinif  şagirdləri  Nəsimi rayonundakı 1 nömrəli körpələr evində xeyriyyə tədbiri keçiriblər. Sinif rəhbəri Çimnaz  İmanovanın rəhbərliyi altında keçirilən tədbirdə məktəblilər özləri ilə apardıqları ərzaq, geyim və dərman preparatlarını körpələr evinə təhvil veriblər. Məktəbin direktoru Təranə Məmmədova xeyriyyəçilik tədbirlərinin əhəmiyyətindən və ölkəmizdə valideyn himayəsindən məhrum olan uşaqlara yaradılan şəraitdən və göstərilən dövlət qayğısından söz açıb. Körpələr evinin uşaqları üçün şirniyyat süfrəsi açılıb.   Həmin gün şagirdlər uşaqlarla  birlikdə rəqs edib, oynayıb və şəkil çəkdiriblər. Tədbirin sonunda körpələr evinin rəhbərliyi belə bir  xeyirxah tədbir  üçün 308 nömrəli tam orta məktəbin pedaqoji kollektivinə minnətdarlığını bildirib. 

Şakir CƏFƏROV