|
Azərbaycan Respublikası Təhsil Nazirliyinin və
Azərbaycan Təhsil İşçiləri Azad Həmkarlar İttifaqı
Respublika Komitəsinin 6 fevral 2012-ci il tarixli, 162
nömrəli qərarını nəzərə alaraq
ƏMR EDİRƏM:
1. Tələbələrin XVII Respublika fənn olimpiadası (riyaziyyat,
fizika, kimya, biologiya, informatika, Azərbaycan dili,
Azərbaycan tarixi, Azərbaycan coğrafiyası, ingilis,
alman, fransız və rus dili fənni üzrə) 2012-ci ilin
fevral-aprel aylarında 2 tur üzrə keçirilsin.
2. Olimpiadanın I turu 2012-ci il 27 fevral - 27 mart
tarixlərində ali təhsil müəssisələrində, II yekun turu
isə cari ilin aprel ayında Azərbaycan Dövlət Pedaqoji
Universitetində keçirilsin.
3. "Tələbələrin XVII Respublika fənn olimpiadası
haqqında Əsasnamə" təsdiq edilsin (1 nömrəli əlavə).
4. Olimpiadanın münsiflər heyətinin tərkibi təsdiq
edilsin (2 nömrəli əlavə).
5. Ali təhsil müəssisələrinin rektorları:
5.1. Olimpiadanın I turunun yüksək səviyyədə
keçirilməsini təmin etsinlər;
5.2. Olimpiadanın II turuna vəsiqə qazanmış tələbələrin
siyahısını, habelə onların hər biri üçün "Olimpiada
iştirakçısının anketi"ni 2012-ci il 1 aprel tarixinədək
Təhsil Nazirliyinə təqdim etsinlər.
6. Olimpiadanın II turunun yüksək təşkilatçılıq
səviyyəsində həyata keçirilməsinin təmin edilməsi
Azərbaycan Dövlət Pedaqoji Universitetinin rektoruna (Y.Məmmədov
) tapşırılsın.
7. Təhsil Nazirliyinin Elm şöbəsi (G.Hüseynova):
7.1. Ali təhsil müəssisələrində olimpiadanın I turunun
yekunlarının ümumiləşdirilməsini və müvafiq məlumat
bazasının hazırlanmasını həyata keçirsin.
7.2. Olimpiadanın II turunun keçirilməsi üçün lazımi
tədbirlər görsün.
7.3. Olimpiada qalibləri üçün diplomların hazırlanmasını,
medalların və hədiyyələrin alınmasını təmin etsin.
8. İqtisadiyyat şöbəsi (Ş.Əliyev) olimpiadanın xərclər
smetasını hazırlayıb təsdiq üçün rəhbərliyə təqdim etsin.
9. İctimaiyyətlə əlaqə şöbəsi (B.Hüseynzadə) əmrin "Azərbaycan
müəllimi" qəzetində və "Təhsil xəbərləri" məcmuəsində
dərc olunmasını və nazirliyin veb-saytında
yerləşdirilməsini təmin etsin.
10. Ümumi şöbə (X.Fərəcov) əmrin çoxaldılıb yerlərə
göndərilməsini təmin etsin.
11. Əmrin icrasına nəzarəti öz üzərimə götürürəm.
Misir MƏRDANOV,
Azərbaycan Respublikasının təhsil naziri
24 fevral 2012-ci il |
