Abşeron rayon Saray qəsəbə 3 nömrəli tam orta məktəbdə    informatika  müəllimi  Təranə İsmayılovanın X "b"  sinfində "Yeni informasiya bülleteninin yaradılması, mövcud mətn çərçivələri ilə iş"  mövzusunda İKT-nin tətbiqi ilə "açıq dərs"i oldu. Dərsdə məqsəd  Microsoft Office Publisher proqramı anlayışını  şagirdlərə mənimsətməklə yanaşı, Publisher proqramının klassifikasiyası, məlumatı Power Pointdə hazırlamaq və  Publisher proqramı vasitəsilə müxtəlif informasiya bülletenlərini yaratmaq idi.  Müəllim   dərsdə interaktiv təlim metodlarından  istifadə edərək  şagirdlərin fəallığının artırılmasını, informatikaya aid anlayışların və qaydaların şüurlu surətdə dərk edilməsini ən vacib hal kimi  diqqət mərkəzində saxladı.  Dərsin müəllim - şagird dialoqu əsasında interaktiv təlim ruhuna uyğun təşkili  keçilən mövzunun sinfin əksəriyyəti tərəfindən yüksək səviyyədə mənimsənilməsinə şərait yaratdı. Təranə İsmayılova yeni dərsin izahı ilə yanaşı,  informatika fənnindən bu günə kimi keçilən mövzuların mənimsənilmə səviyyəsini yoxlamaq məqsədilə şagirdləri slayd vasitəsilə hazırlanmış testlərlə sorğu-sual  etdi. Şagirdlər verilən sualların cavablandırılması ilə yanaşı, həm də yeni dərsin maraqlı keçməsində   fəal iştirak etdilər.

Sonda Təranə İsmayılovanın   keçdiyi "açıq dərs"  müzakirə olundu.    Məktəbin direktoru Təyyubə Hüseynova, psixoloq İstək Bəxtiyarova,  informatika  müəllimi  Şəlalə Zeynalova, Xırdalan şəhər 2  nömrəli məktəbin  informatika müəllimi Dilarə Əlisultanova  və  başqaları çıxış edərək "açıq dərs"in yaxşı təşkil olunduğunu və şagirdlərin informatika fənnindən  yüksək bilik nümayiş etdirdiklərini bildirdilər.

"Açıq dərs" diskussiya şəklində başa çatdı.  

Xalidə HÜSEYNOVA,
Abşeron Rayon Təhsil Şöbəsinin metodisti