Təhsil nazirinin müvafiq əmrinə əsasən, hər yerdə olduğu kimi, İmişli rayonunda da İKT üzrə kurslar təşkil olunub. "Mədəd-Azərbaycan" təşkilatının keçirdiyi bu kurslar müəllimlərin peşəkarlıq səviyyəsinin artırılması və təkmilləşdirilməsində mühüm rol oynayır.

İmişli Rayon Təhsil Şöbəsində 2011-ci ilin sentyabrından kurslar keçirilir. Həftəlik kursların birində mən də iştirak etmişəm. Kursun təlimçiləri Sevinc Məhərrəmova və Əfsanə İbrahimova öz peşələrinin əsl ustalarıdır.

Kurs müddətində müəllimlər müasir təlim metodlarından istifadə üzrə zəruri təlimatlar aldılar, yeni təlim metodları ilə tanış olub müvafiq bacarıq və vərdişlərə yiyələndilər. Eyni zamanda kursda öyrədən və öyrənən arasında münasibətlər, yeni pedaqoji yanaşmalar, qiymətləndirmə və rəğbətləndirmə barədə məlumat və bilgilər aldıq.

Mən rayonumuzun müəllimləri adından kursun təşkilatçılarına və təlimçilərə dərin minnətdarlığımı bildirirəm. 

Almaz HƏŞİMOVA,
İmişli şəhər N.Nərimanov adına
1 nömrəli məktəb-liseyin riyaziyyat müəllimi