Heydər Əliyev adına Hərbi Liseydə Naxçıvan Müəllimlər İnstitutunun əməkdaşlarının iştirakı ilə həftəlik seminar keçirilmişdir. Seminarın keçirilməsində məqsəd yeni fənn kurikulumları ilə tanışlıq və onun mənimsədilməsindən ibarətdir. Seminarda institutun rektoru, professor Oruc Həsənli çıxış edərək məktəbə psixoloji xidmət haqqında ətraflı məlumat vermiş və fənn kurikulumlarının strukturu,  kurikulumların səciyyəvi xüsusiyyətləri, yaranma səbəbləri  və fənn kurikulumlarının tətbiqinin əhəmiyyəti  barədə danışmışdır.

Seminarda institutun müəllimlərindən Rafiq Hüseynov, Tamara Baxşəliyeva  çıxış etmişlər.

Sonda müəllimlərə bu sahə üzrə dərsdən əlavə kurikulumların elektron variantı təqdim olunmuş, onların sualları ətraflı cavablandırılmışdır.

Qeyd edək ki, seminarın  mütəmadi olaraq keçirilməsi nəzərdə tutulub.  

Naxçıvan Müəllimlər İnstitutunun Mətbuat xidməti