Rayon təhsil şöbəsindən aldığımız məlumatda bildirilir ki, cari dərs ili Yevlaxın təhsil işçiləri üçün daha uğurlu olmuşdur. Rayonda 40 orta, 9 əsas, 8 ibtidai məktəb, 4 məktəbdənkənar müəssisə, 25 məktəbəqədər tərbiyə müəssisəsi fəaliyyət göstərir. Ötən il orta ümumtəhsil məktəblərini bitirən 956 məzundan 652 nəfəri ali məktəblərə sənəd vermiş, 262 nəfər ali məktəblərə qəbul olunmuşdur. 18 məzun 500-dən, 10 nəfər isə 600-dən çox bal toplamışdır.

Ötən dərs ilində şəhər 1 nömrəli orta məktəbi üçün 480, Cırdaxan kənd əsas məktəbi üçün 180, Xaldan kənd əsas məktəbi üçün 180 yerlik yeni binalar istifadəyə verilmişdir. Hazırda şəhər 2 nömrəli tam orta məktəb üçün 960, Aran qəsəbə 2 nömrəli tam orta məktəbi üçün 360 və Salamabad kənd tam orta məktəbi üçün 180 yerlik yeni binaların tikintisi davam etdirilir.

Şakir CƏFƏROV