Bakıdakı 236 nömrəli orta məktəbdə  sinifdənxaric işlərə geniş  yer  verilir. Məktəbin direktoru  Xanlar İmaməliyev bildirir ki,  sinifdənxaric tədbirlər təlim-tərbiyə işinin tərkib hissəsidir. Dərslə sinifdənxaric işlər bir vəhdət halında elmlərin əsaslarının şagirdlər tərəfindən dərindən mənimsənilməsinə, onların əqli, fiziki, estetik, vətənpərvərlik tərbiyəsinin inkişafına xidmət edir. Eyni zamanda şagirdlərin biliyə marağı artır, onların bilik, bacarıq və vərdişləri genişlənir,  şagirdlərin şüurlu intizamı,  kollektivçiliyi, təşəbbüskarlığı və   təşkilatçılıq məsuliyyəti inkişaf edir.

Təhsil ocağında tədrisin və sinifdənxaric işlərin yüksək səviyyədə  təşkili üçün  "Şagird  özünüidarəetmə orqanı" yaradılıb. Belə bir təşkilatın yaradılması  və fəaliyyət göstərməsi də  şagirdlərin təlim-tərbiyəsində  mühüm rol oynayır. Nəticədə şagirdlərdə vətənə sevgi, milli dəyərlərimizə isə hörmət aşılanır.    

Şakir CƏFƏROV