Maddi-texniki  bazasını  daha da möhkəmləndirən 2 nömrəli Bakı  Peşə Liseyi son illər uğurlarını da artırır. Liseyin direktoru Razim Mirzəyev bildirir ki, fənn kabinetlərindən, laboratoriyalardan şagirdlər səmərəli istifadə edirlər. Dərslər kabinet və emalatxana  sistemində  keçilir.  Təhsil  ocağında müəllimlərin yaxşı işləməsi, şagirdlərin isə seçdikləri peşələrə dərindən yiyələnməsi üçün  hər cür şərait yaradılıb. Liseydə  pedaqoji kollektivin qarşısında  duran mühüm   vəzifələrdən biri də dərslərin  keyfiyyətini yüksəltməkdir. Respublikamızın, eləcə də dünyanın qabaqcıl iş təcrübəsini öyrənən  müəllimlərimiz pedaqogika elminin son nailiyyətlərini izləyir və onları gündəlik dərslərində tətbiq etməyə səy göstərirlər. Liseydə hər ay daxili nəzarət planı tərtib edilir.

Təyin  olunmuş vaxt üzrə hər bir müəllim və ustanın dərsi dinlənilir və tərtib edilmiş nəzarət dəftərində   qeyd edilir. 

Hazırda liseydə oxuyan 310 şagirdə   istehsalat təlimi ustalarından Nəzakət Məmmədova, Leyla Cəfərova və Asib Abdullayev  mühasib, təmirçi-çilingər, qaynaqçı, xarrat, dülgər, parket ustası, elektrik məişət avadanlıqlarının xidməti və  təmiri üzrə elektrik montyoru, əməliyyatçı mühasib və  mühasib, fərdi kompüter operatoru kimi müxtəlif   peşələrin sirlərini öyrədirlər. 

Şakir CƏFƏROV