|
|
|
Beynəlxalq təhsil xəbərləri |
|
|
|
|
Türkiyədə inqilabi təhsil layihəsi start götürüb |
|
 Türkiyədə
FATIH (imkan və texnologiyaların
genişləndirilməsi üzrə hərəkat) təhsil
layihəsinin həyata keçirilməsinə başlanılıb.
Layihə ölkənin bütün məktəblərində "ağıllı"
sinif otaqları, interaktiv lövhələr və planşet
kompüterlərdən istifadə etməklə təhsil
standartları və təhsilin keyfiyyətinin
modernləşdirilməsini nəzərdə tutur. Layihə
çərçivəsində ölkənin 17 vilayətində 52 məktəbin
şagirdləri (17 milyon məktəbli) yeni tədris
semestrinə onlara pulsuz verilmiş planşet
kompüterlərlə başlayıblar. Təhsil Nazirliyi 52
məktəbin müəllim və şagirdlərini pulsuz
planşetlə təmin edib. Layihə üçün İstanbul,
Ankara, İzmir, Bingöl, Diyarbəkir, Ərzincan,
Ərzurum, Kayseri, Mərsin, Rizə, Samsun və digər
şəhərlər seçilib.
Genişmiqyaslı FATIH layihəsi dünya miqyasında
eyni vaxtda bütün məktəblilərin iştirakı ilə
informasiya texnologiyalarının məktəb təhsil
prosesinə inteqrasiyasının necə həyata
keçirildiyini göstərən uğurlu nümunə ola bilər.
Türkiyəli məktəblilər üçün planşet kompüterləri
General Mobile və Samsung şirkətləri tərəfindən
istehsal olunub. Yüksəkixtisaslı 100
mütəxəssisdən ibarət komanda müəllim və
şagirdlərin layihə çərçivəsində üzləşəcəyi
istənilən texniki problemin həlli ilə məşğul
olacaq. Layihə çərçivəsində bütün dərs proqramı
planşet kompüterlərə yüklənib. Şagirdlər
kompüterin köməyi ilə İnternetə bağlana bilərlər.
Təhsil Nazirliyi tərəfindən işlənib hazırlanmış
və Nəqliyyat və Kommunikasiya Nazirliyi
tərəfindən dəstəklənən proqram bütün ölkə üzrə
40000 məktəbi və 570000 sinif otağını əhatə edir. |
|
|
Almaniyalı tələbələr doğma dildə danışmağı
unudur |
|
Almaniyalı tələbələr doğma dildə ünsiyyət
saxlamağı tərgidib. Tələbələr doğma dildə
danışmağı yadırğayıblar; tədris kurslarının
yarısı ingilis dilindədir. Alman professorların
çoxu öz mühazirələrini ingilis dilində oxumağa
üstünlük verir. Digər tərəfdən, ictimaiyyət
ehtiyat edir ki, alman dili elm dili kimi öz
əhəmiyyətini itirir. Lakin tələbələr ingilis
dilinin əleyhinə deyillər. Bremen
Universitetindən Oliver Barnstedt hesab edir ki,
vahid elm dili müxtəlif ölkələrin alimləri
arasında əməkdaşlıq və xarici elmi tədqiqat
işləri ilə tanışlıq üçün geniş imkanlar yaradır.
Bremen Universiteti xarici tələbələri cəlb etmək
vasitəsi kimi ingilis dilini seçib və hesab edir
ki, alman ali məktəbləri təhsilin
beynəlmiləlləşməsinə tərəfdardır. Lakin bir
çoxları bu strategiyanı tənqid edir. Artıq
bakalavriat və magistr kurslarının 70 faizi
ingilis dilində tədrisə üstünlük verir.
|
|
|
Amerikada xarici tələbələrə vətəndaşlıq verilə
bilər |
|
 Amerikada
təhsil alan xarici tələbələrə bu ölkənin
vətəndaşlığı verilə bilər. ABŞ prezidenti Barak
Obama ölkədə immiqrasiya islahatının həyata
keçirilməsini təklif edib. O, Amerika ali
məktəblərinin xarici məzunlarına vətəndaşlıq
almaq və bu ölkədə qalıb işləmələri üçün
əlverişli şəraitin yaradılmasına çağırıb.
Prezidentə görə, bu, Amerika iqtisadiyyatının
dirçəlməsinə kömək edəcək. Qeyd edək ki, hazırda
ali təhsil diplomu alan xarici tələbələrin
Amerikada qalmaq arzularını ölkənin immiqrasiya
xidmət orqanları heç də dəstəkləmir. Baxmayaraq
ki, xarici tələbələr təhsillərini başa
vurduqdan sonra Optional Practical Training (OPT)
proqramı üzrə ABŞ-da birillik təcrübə keçmək
hüququna malikdirlər. Prezidentin təşəbbüsünün
reallığa çevrilməsi üçün təklif, ilk növbədə,
Konqresdə dəstək qazanmalıdır. |
|
|
Avropanın ən təhsilli ölkələri |
|
 Avropada
daha çox ali təhsilli insanlar Litva, Çexiya və
Slovakiyadadır. Avropa ölkələrində təhsil
səviyyəsini öyrənən Universitetlər və Kolleclər
Birliyi qeyd edir ki, britaniyalılar cədvəldə
19-cu yerdədir. Britaniyalıların yalnız 76,1
faizi A standartı üzrə təhsilə malikdir. Litvada
isə bu rəqəm 92 faiz təşkil edir. 33 ölkənin yer
aldığı reytinq cədvəlində yaşı 24-dən 64-ə
qədər olan əhali arasında orta təhsildən yuxarı
səviyyəni Litva əhalisi göstərib. Çexiyada
təhsilli insanlar 91,1 faiz, Slovakiyada 91
faiz, Estoniyada 82 faizdir. Almaniya, Avstriya,
Lüksemburq ikinci beşlikdə yer alıblar. Reytinq
cədvəli Böyük Britaniyada bu sahədə vəziyyətin
acınacaqlı olduğunu göstərir. Ölkənin təhsil
mütəxəssisləri qeyd edirlər ki, britaniyalılar
Avropada yüksək təhsil haqları və
universitetlərdəki yerlərin azaldılması
səbəbindən digər ölkələrdən geridə qalır. "Daily
Mail" qəzetinin yazdığına görə, Böyük
Britaniyanın bir çox rayonlarında təhsil
səviyyəsi XIX əsr səviyyəsindədir. |
|
|
İspaniyada oxumadan da diplom almaq olar |
|
İspaniyada öz işinin peşəkarı olan insanlar da
diplom ala bilər.
Hökumətin bəyəndiyi yeni qanun layihəsinə əsasən,
müəyyən müddət ərzində hər hansı bir sahədə
çalışan insan ali təhsil haqqında diplom əldə
edə bilər. Qanun layihəsində qeyd olunur ki, ali
təhsili olmayan təcrübəli işçilər xüsusi imtahan
verə bilərlər. Bundan sonra onların bilik və
vərdişləri rəsmi olaraq tanına bilər. Qanun
layihəsində bildirilir ki, peşəkar bilikləri
təkcə bir neçə il ərzində universitetlərə
getmədən də qazanmaq olar. Müəyyən peşəyə
yiyələnmək üçün uzunmüddətli təhsilin tələb
olunduğu zaman artıq arxada qalıb, artıq bunu
istənilən yaş dövründə etmək olar.
|
|
|
Ən yaxşı MBA proqramı |
|
Britaniyada nəşr olunan "Financial Times" qəzeti
dünyada ən yaxşı MBA proqramlarının beynəlxalq
reytinqini (Global MBA Rankings 2012) tərtib
edib. Bu il reytinq cədvəlinə Stenford
Universitetinin biznes-məktəbi başçılıq edir.
Ötən il bu məktəb dünyanın ən yaxşı biznes
məktəblərinin üçlüyünə belə daxil ola bilməyib.
Reytinqi tərtib edənlər ali məktəblər tərəfindən
verilmiş məlumatlar və məzunların sorğularının
nəticələrinə əsaslanırlar. Əməkhaqları, MBA
proqramını bitirdikdən sonra gəlirlərin artımı,
ali məktəbdə aparılan elmi tədqiqatlar,
müəllimlərin sayı və doktor dərəcəsi almış
məzunların sayı kimi kriteriyalar nəzərə alınır.
"Financial Times"in versiyasına görə dünyanın ən
yaxşı MBA proqramlı biznes-məktəblərin reytinq
cədvəli belədir:
1. Stenford Biznes Məktəbi (ABŞ). 2. Harvard
Biznes Məktəbi (ABŞ).3. Pensilvaniya
Universitetinin Biznes Məktəbi (ABŞ). 4. London
Biznes Məktəbi (Böyük Britaniya). 5.Kolumbiya
Biznes Məktəbi. 6. INSEAD (Fransa,
Sinqapur). 7. Massaçusets Texnologiya İnstitutu
(ABŞ). 8. IE Biznes Məktəbi (İspaniya). 9. Iese
Biznes Məktəbi (İspaniya).10. Honq Konq Biznes
Məktəbi (Çin).
Xarici mətbuat materialları əsasında hazırladı:
Oruc MUSTAFAYEV |
|
|
|
|
|
|
|
|
|
|
|
|
|
|
|
|
