Avropa Gənclər Forumunun 2011-2012-ci illərdə fəaliyyət göstərən qeyri-formal təhsildə keyfiyyətin təmin olunması üzrə işçi qrupunun yekun hesabat görüşü keçirilmişdir.

AzərTAc xəbər verir ki, Belçikanın paytaxtı Brüsseldə keçirilmiş tədbirdə iştirak etmiş Gənclər Təşkilatları Milli Şurasının (ARGTMŞ) humanitar və sosial məsələlər departamentinin sədri Əligül Ağayev işçi qrupunda Cənubi Qafqaz və Türkiyə regionundan seçilmiş yeganə təmsilçi olmuşdur. Hesabat görüşündə Azərbaycan ilə yanaşı, Avstriya, İngiltərə, Litva, Estoniya və digər ölkələrin gənclər təşkilatlarının nümayəndələri də iştirak etmişlər.

İştirakçı ölkələr ötən iclasda müzakirə edilmiş və praktiki şəkildə həyata keçirilmiş tədbirlərin hesabatını vermişlər.

Tədbirdə yalnız Azərbaycan və Litvanın həyata keçirdiyi layihələr ən uğurlu hesab edilmişdir.