Bu günlərdə Sumqayıt şəhər 9 nömrəli tam orta məktəbdə "Azərbaycan bölünməz" devizi ilə hərbi vətənpərvərlik tərbiyəsi mövzusunda tədbir keçirilib. Mərasimi giriş sözü ilə məktəbin direktoru Bəhruz Səlimxanov açaraq, hərbi vətənpərvərlik tərbiyəsi ilə bağlı keçirilən tədbirlərin əhəmiyyətindən danışıb, şagirdləri doğma Vətəni sevməyə, onu hər zaman, hər an göz-bəbəyi kimi qorumağa çağırıb. Tədbirdə məktəbin şagirdləri Vətənə məhəbbət, qəhrəmanlıq, şəhidlik mövzularında mahnılar oxuyub, şeirlər söyləyib və üçrəngli Azərbaycan bayrağına daim sədaqətli olacaqlarını bildiriblər. 

Ələsgər QURBANOV