Yaxın vaxtlarda Gəncədəki uşaq evi tamamilə yeni görkəmdə istifadəyə veriləcəkdir.

 Heydər Əliyev Fondunun təşəbbüsü ilə burada əsaslı şəkildə təmir və yenidənqurma işləri aparılır. Ərazidə ikisi 2 mərtəbəli, biri isə 1 mərtəbəli olmaqla 3 yeni korpus inşa edilir. İnşası başa çatmış ikimərtəbəli korpuslardan biri qızlar, digəri isə oğlanlar üçün yataqxana olacaqdır.

 Artıq təmir işləri başa çatdırılmış binalar lazımi inventarla təmin edilmişdir. Binaların qızdırılması üçün ayrıca qazanxana inşa olunmuş, mətbəx və yeməkxana müasir avadanlıqla təchiz edilmişdir.

Gəncə Şəhər Təhsil İdarəsindən AzərTAc-a bildirmişlər ki, təmir və yenidənqurma işləri yüksək səviyyədə həyata keçirilir. Burada qapalı idman zalı ilə bərabər açıq havada idman meydançası da tikilmiş, 8 və 16 tonluq su anbarları, ayrıca elektrik yarımstansiyası inşa olunmuşdur.

 Uşaq evi yaxın günlərdə istifadəyə veriləcəkdir.