Bakı Slavyan Universitetinin Məktəb-Lisey Kompleksində 20 Yanvar faciəsində həlak olanların xatirəsi yad edilib. Kompleksin şagirdləri 20 Yanvar faciəsinin 22-ci ildönümü ilə bağlı "Qanlı Yanvar" adlı ədəbi kompozisiya hazırlamış, tədris korpusunun birinci mərtəbəsində şəhidlərə həsr edilmiş rəsm sərgisi, akt zalında isə sinif divar qəzetlərinin xüsusi buraxılışlarından ibarət guşə təşkil edilmişdir. Beşincilərin iştirakı ilə kitabxananın oxu zalında 20 Yanvar şəhidlərinə həsr edilmiş şeir müsabiqəsi də maraqla qarşılandı. Müəllimlər həftə ərzində şagirdlərlə birlikdə Şəhidlər xiyabanını ziyarət etdilər. Kompleksin Valideyn Komitəsinin üzvləri də tədbirlərdə yaxından iştirak etdilər.