Lənkəran Dövlət Universitetində (LDU) qış imtahan sessiyası başlayıb.

Universitetdən AzərTAc-a bildirmişlər ki, əvvəlki illərdə olduğu kimi, bu il də tələbələrin bilikləri yazılı yoxlama və test üsulu ilə qiymətləndirilir. Bu məqsədlə bütün akademik qruplar üzrə tələbələrin yazılı cavabları nəzarətçi-koordinatorlar tərəfindən kodlaşdırıldıqdan sonra fənlər üzrə yaradılmış imtahan komissiyalarının üzvlərinə təqdim olunur. Bu cür yanaşma neqativ halların qarşısının alınmasına kömək edir.

Biliklərin qiymətləndirilməsində şəffaflığı və obyektivliyi təmin etmək və yarana biləcək neqativ halların aradan qaldırılması məqsədi ilə universitetdə operativ qərargah yaradılmışdır. Qərargaha LDU-nun rektoru, ictimaiyyətin, mətbuat və informasiya vasitələrinin nümayəndələri daxildirlər.

İmtahanların nəticələrindən narazılıqlara münaqişə komissiyası tərəfindən baxılır, operativliyin təmin edilməsi üçün universitetdə "Qaynar xətt" xidməti fəaliyyət göstərir.