Bakıdakı Əsəd Əsgərov adına 244 nömrəli tam orta məktəbdə fəal təlim metodlarına  həsr olunmuş seminar keçirilib.

Seminarı giriş sözü ilə açan məktəbin riyaziyyat fənn metodbirləşməsinin sədri Nurqələm Bayramova dekabrın Bakı Şəhəri üzrə Təhsil İdarəsi tərəfindən "riyaziyyat aylığı" elan olunduğunu, tədbirin bu aylıq çərçivəsində keçirildiyini bildirib. Sonra seminarın əsas təşkilatçısı, məktəbin riyaziyyat müəllimi Aytən Qılıncova "Fəal təlim metodlarından tədrisdə istifadə" mövzusunda məruzə edib. Məruzəçi yeni fəal təlim metodlarının üstünlüklərindən danışıb və məktəbin müəllimlərinin tədris prosesində bu metodlara geniş yer verdiyini vurğulayıb. Tədbirdə çıxış edən məktəbin təlim-tərbiyə işləri üzrə direktor müavini Sevinc Süleymanova təhsil ocağında fəal təlim metodlarının tətbiqi ilə tez-tez "açıq dərs"lərin keçildiyini, müəllimlərin yeni metodları mənimsədiklərini diqqətə çatdırıb.

Seminarı məktəbin direktoru Yəhya Abbasov yekunlaşdıraraq onun əhəmiyyətli olduğunu, müəllimlərin yeni metodlarla bağlı məlumatlılıq səviyyəsini artırdığını bildirib. 

Məhbubə MEHDİYEVA,
Elm və Təhsil Mərkəzi "Təfəkkür" Universitetinin I kurs tələbəs