Naxçıvan Özəl Universitetinin tələbələri Şahbuz rayonunda yerləşən Ahıllar evini ziyarət etmişlər. Tədbirdə universitetin ictimaiyyətlə əlaqələr şöbəsinin müdiri Orxan Ənnağızadə rektor, professor İsmayıl Əliyev və professor-müəllim və tələbə heyəti adından çıxış edərək onların salamlarını və bayram təbriklərini çatdırmışdır. O qeyd etmişdir ki, dövlətimizin sosial sahələrin inkişafına və xüsusilə kimsəsizlərə, yardıma ehtiyacı olan insanlara daim diqqət və qayğısı vardır. Bu gün bu sahədə muxtar respublika rəhbərliyinin yaxından maddi-mənəvi qayğısı bunun bariz nümunəsidir. Burada yaradılan yüksək şərait ahılların tam rahatlığını təmin edir.

Sonra universitetin tələbələrindən ibarət bədii özfəaliyyət ansamblının  çıxışları dinlənilmiş, gətirilmiş  sovqat ahıllara təqdim edilmişdir.  

Nuray ƏSGƏROVA