Bu günlərdə Qax şəhər stadionunda "Vətənin müdafiəsinə hazıram" paliatlon çoxnövçülüyü üzrə respublika çempionatının zona turu keçirilib. Yarışda Qax, Şəki, Oğuz, Qəbələ və Şamaxı rayonlarının komandaları idmanın 3 növü - 100 metr məsafəyə qaçış, qumbara atma və turnikdə dartınma üzrə qalib adı uğrunda mübarizə aparıblar.

Gərgin mübarizə şəraitində keçən yarışın yekun nəticəsinə görə, İsmayıllı rayonunun komandası 758 xalla birinci, Qax rayonunun komandası 724 xalla ikinci, Qəbələ rayonunun komandası isə 616 xalla üçüncü yerə sahib olaraq yarışların final mərhələsinə vəsiqə qazanıblar. 

Aybəniz MƏMMƏDOVA,
Qax  RTŞ-ın metodisti