Şamaxı RTŞ-dən bildirirlər ki, təkcə 2011-ci ildə rayonun 5 kəndində yeni məktəb binasının tikintisinə başlanılıb.

Təhsil Nazirliyinin sifarişi ilə rayonun Göylər kəndində 360 və II Çaylı kəndində 80, rayon icra hakimiyyətinin sifarişi ilə Həmyəli kəndində 180 və Qonaqkənddə 80 şagird yerlik yeni binalar inşa olunur. Eyni zamanda daxili imkanlar hesabına Kərkənc kəndində 120 şagird yerlik yeni məktəb binası tikilir.

Bu müasir tələblərə cavab verəcək yeni təhsil ocaqlarının yeni dərs ilinədək istifadəyə verilməsi nəzərdə tutulub.