Naxçıvan Özəl Universitetində Erasmus Mundus proqramının təqdimatı keçirilmişdir. Bu proqramın məqsədi Avropada ali  təhsil sahəsində birgə əməkdaşlığın qurulması, tələbə və təhsil mübadiləsi üzrə müştərək  proqramların işlənib hazırlanmasıdır. 

Təqdimata   virtual olaraq Azərbaycan Dillər Universitetinin əməkdaşı Ülkər Bayramova qatılmışdır. O, Erasmus Mundus proqramının Azərbaycanda fəaliyyət göstərən ali təhsil ocaqlarında həyata keçirilməyə başlandığını və bu proqramın müəllim və tələbələrə olduqca yararlı olduğunu ifadə etmişdir.

ADU-da həyata keçirilən bu proqram Naxçıvan Özəl Universitetinin tələbə və müəllim heyətinin də böyük marağına səbəb olmuşdur. Ülkər Bayramova tələbə və müəllimləri maraqlandıran sualları ətraflı cavablandırmışdır.    

Nuray ƏSGƏROVA,
Naxçıvan Özəl Universitetinin əməkdaşı