|
 Dekabrın
23-də Bakının Xətai rayonundakı E.Yəhyayev adına
56 nömrəli tam orta məktəbdə riyaziyyat aylığı
çərçivəsində "Riyaziyyat elmlərin açarı, hesab
isə onun bölünməz hissəsidir" adlı riyaziyyat
gecəsi keçirildi. Tədbir iştirakçıları əvvəlcə
məktəbin dəhlizində təşkil olunan şagirdlərin əl
işləri ilə tanış oldular.
Daha sonra proqrama uyğun olaraq riya
ziyyat gecəsinə həsr edilmiş musiqili tədbir
keçirildi. Qonaqları məktəb kollektivinə təqdim
edən təhsil ocağının direktoru Hicran Qarayeva
aylıq çərçivəsində görülən işlərdən və
riyaziyyat elminin uşaqların hərtərəfli
inkişafındakı rolundan söz açdı.
Riyaziyyat fənninə aid şeirləri, mahnıları
şagirdlər ifa etməklə gecəyə xüsusi rəng
qatdılar. Çıxış edənlər gecənin yüksək
səviyyədə keçirilməsindən və şagirdlərin
rəngarəng çıxışlarından razı qaldıqlarını
bildirdilər.
Qonaqlar şagirdlərə dərslərində həmişə yaxşı
oxumağı, xalqımıza və dövlətimizə layiqli
vətəndaş olmağı arzuladılar.
Sonda şagirdlər tərəfindən riyaziyyat fənninə
aid səhnəciklər göstərildi.
Rəşad ZİYADOV |
