|
 Artıq
yeni dərs ilinin həyəcanı arxada qalıb. Birinci
sinif şagirdləri müəllimlərinin köməyi ilə
biliklərə yiyələnir, bacarıq və vərdişlərini
artırırlar. Bakının Səbail rayonundakı 51
nömrəli tam orta məktəbdə bu günlərdə təşkil
olunmüş tədbirdə qeyd olunanların bir daha
şahidi olduq.
Məktəbin foyesində təşkil olunmuş "Mənim
ədədlərim " adlı sərgini direktor Lətafət
Səmədova açaraq bildirdi ki, bugünkü tədbirdə
1a sinif sagirdlərinin 1-dən 10-na kimi
keçdikləri rəqəmlərin müxtəlif formalarda
hazırladıqları əl işləri nümayiş olunur.
Şagirdlər rəqəmlərin kombinasiyasını kiçik
səhnəciklərlə nümayiş etdirdilər. Hər bir rəqəmə
aid şeir söylədilər, mahnı oxudular.
Sonra münsiflər heyəti və qonaqlar sərgi ilə
tanış oldular. Müxtəlif forma və üslubda təqdim
edilən əl işləri böyük maraqla qarşılandı.
Bakı Şəhəri üzrə Təhsil İdarəsinin baş
məsləhətçisi Əfqan İsgəndərov, Səbail Rayon İcra
Hakimiyyətinin təhsil, səhiyyə və mədəniyyət
şöbəsinin məsləhətçisi Ülkər Məmmədova tədbirin
yüksək səviyyədə təşkilinə görə, ilk növbədə,
ibtidai sinif müəllimi Səkinə İbadovaya
təşəkkürlərini bildirdilər, nümayiş olunan əl
işlərini yüksək qiymətləndirərək hələ kövrək
addımlarını atan birincilərə uğurlar arzuladılar.
Sonda münsiflər heyəti tərəfindən ən yaxşı əl
işləri seçilərək qaliblərə diplom və hədiyyələr
təqdim olundu.
Qabil ƏLİYEV |
