|
 Naxçıvan
Dövlət Universitetində Azərbaycan Milli Elmlər
Akademiyasının Naxçıvan Bölməsinin sədri,
əməkdar elm xadimi, akademik İsmayıl Hacıyevin "Naxçıvan
Muxtar Respublikasının ictimai-siyasi həyatı,
sosial-iqtisadi və mədəni inkişafı (1991-2011-ci
illər)" kitabının təqdimatı keçirilmişdir.
Tədbiri giriş sözü ilə açan rektor, akademik İsa
Həbibbəyli ümummilli lider, müstəqil
Azərbaycanın memarı və qurucusu, görkəmli dövlət
xadimi Heydər Əliyevin əziz xatirəsinə həsr
olunmuş kitabı Azərbaycanın dövlət
müstəqilliyinin 20 illiyinə dəyərli töhfə
adlandırmışdır. Qeyd olunmuşdur ki,
azərbaycanşünaslıq, o cümlədən naxçıvanşünaslıq
istiqamətində, Naxçıvanın müstəqillik tarixinin
öyrənilməsi baxımından fundamental tədqiqat
əsəri olan monoqrafiyada qiymətli tarixi faktlar
və statistik məlumatlar elmi prinsiplər əsasında,
sistemli şəkildə təhlil və tədqiq olunmuş,
maraqlı müqayisə və paralellər aparılmışdır.
Monoqrafiyada ümummilli lider Heydər Əliyevin
Naxçıvandakı siyasi fəaliyyəti, qəbul etdiyi
qətiyyətli qərarlar, yerli əhalinin respublikada
baş verən ictimai-siyasi proseslərdə fəal
iştirakı, Prezident İlham Əliyevin və muxtar
respublika rəhbərliyinin məqsədyönlü fəaliyyəti
nəticəsində regionda gedən çoxcəhətli dinamik
inkişaf öz əksini tapmışdır. Kitabın sonunda
Naxçıvan Muxtar Respublikası Ali Məclisinin
sədri Vasif Talıbovun qərar və sərəncamlarının
toplu halında verilməsi regionun idarəetmə,
qanunvericilik t arixinin
öyrənilməsi baxımından da əhəmiyyətlidir.
Akademik İsa Həbibbəyli iqtisadi inkişafın
Naxçıvan modelinin elmi inikası olan yeni nəşrin
ali məktəblərin iqtisad fakültələrinin
tələbələri üçün dərslik, gələcək elmi
tədqiqatlar üçün qiymətli elmi mənbə olacağını
vurğulayaraq kollektiv adından müəllifə yeni-yeni
elmi nailiyyətlər arzulamışdır.
AMEA Naxçıvan Bölməsi Tarix, Etnoqrafiya və
Arxeologiya İnstitutunun direktoru, professor
Hacı Fəxrəddin Səfərli Naxçıvanda elmin
inkişafından, AMEA Naxçıvan Bölməsinin bu
istiqamətdə uğurlu fəaliyyətindən danışmış,
monoqrafiya haqqında ətraflı məruzə etmişdir.
Tanınmış tarixçi, qafqazşünas, yazıçı-publisist
Rudolf İvanov əsərin Azərbaycanın müasir
dövlətçilik tarixinin öyrənilməsi baxımından
əhəmiyyətindən danışmış, kitabdan da göründüyü
kimi, Naxçıvanın uzun illər blokadada olmasına
baxmayaraq, misli görünməmiş tərəqqisinin əsl
idarəetmə nümunəsi sayıla biləcəyini söyləmişdir.
Sonda müəllif tədbirin təşkilatçılarına, kitabın
araya-ərsəyə gəlməsində əməyi keçənlərə
minnətdarlığını bildirmişdır.
Mehriban SULTAN |
|
