|
 Oktyabrın
11-də T.İsmayılov adına Uşaq-Gənclər Yaradıcılıq
Sarayının "Uşaq dünyası" qalereyasında
Azərbaycanın dövlət müstəqilliyinin bərpasının
20-ci ildönümünə həsr olunmuş sərgi keçirildi.
Bakıdakı 201 nömrəli orta məktəbin şagirdlərinin
əl işlərinə aid tədbiri giriş sözü ilə açan
məktəbin direktoru Süsən Salmanova təşkil
olunmuş tədbirin əhəmiyyətindən danışdı. Eyni
zamanda məktəbdə şagirdlərin yaradıcılığında
böyük rol oynayan "Palitra" rəsm dərnəyinin
12 üzvü olduğunu və bu dərnəyə rəhbərlik edən
Asəf Kərimovun zəhmətini xüsusi qeyd etdi.
İlk öncə dövlət müstəqilliyimizə aid
slaydlarda ulu öndər Heydər Əliyevlə bağlı
kadrlar nümayiş etdirildi.Məktəbin Azərbaycan
dili və ədəbiyyat müəllimi, şəhid ailəsi
Simuzər Əhmədovanın müstəqilliyimizə həsr
olunmuş şeirləri səsləndi.
Sonra sərgiyə toplaşan şagirdlərin 108 əsəri
nümayş olundu. VIII sinif şagirdi Fərid
Tahirov, IX sinif şagirdi Aysel Həzrətova, I
sinif şagirdi Şölə Salmanova və başqalarının əl
işləri sərgiyə gələn qonaqlar tərəfindən yüksək
qarşılandı.
Sərgidə Nizami Rayon İcra Hakimiyyəti
başçısının humanitar məsələlər üzrə müavini
Gülnaz İsrafilova, millət vəkili Sədaqət
Vəliyeva və digər şəxslər çıxış edərək
şagirdlərin əl işlərindən razılıq etdilər və
şagirdləri təbrik etdilər.
Sonda qonaqlar balaca rəssamlarla xatirə şəkli
çəkdirməyi də unutmadılar.
Şakir CƏFƏROV |
