|
 Oktyabrın
13-də "Hyatt Regency" otelində Təhsil Nazirliyi
və Avropa Komissiyasının birgə təşkilatçılığı
ilə "Şərq Tərəfdaşlığı" ölkələrində
müəllimlərin hazırlanması və ixtisasın
artırılması" mövzusunda beynəlxalq seminar
keçirildi. Seminarda Təhsil, Xarici İşlər
nazirliklərinin nümayəndələri, Avropa
Komissiyasının rəsmiləri, Avropa İttifaqının
Bakıdakı nümayəndəliyinin təmsilçiləri, ADPU,
AMİ, BPKİYİ, habelə bir sıra digər təhsil
qurumlarının rəhbər və nümayəndələri iştirak
edirdilər.
Seminarı giriş
sözü ilə Avropa Komissiyası təşkilatının
başçısı Jan Pakulski açaraq bildirdi ki, Şərq
Tərəfdaşlığının 4-cü Platforması çərçivəsində
təşkil olunan bu seminarda "Şərq Tərəfdaşlığı"
ölkələri və Avropa Komissiyasının ekspertləri
daxil olmaqla 70-ə yaxın nümayəndə iştirak
edir.
Təhsil naziri
Misir Mərdanov seminarda iştirak edən qonaqları
salamlayaraq keçirilən tədbirin əhəmiyyəti
haqqında məlumat verdi. Qeyd etdi ki, bugünkü
seminarda "Şərq Tərəfdaşlığı" ölkələrində
müəllimlərin hazırlanması və ixtisasının
artırılmasına dair Avropa Komissiyasının
keçirdiyi tədqiqatın nəticələri, eləcə də bu
sahədə Avropa İttifaqının təcrübəsi təqdim
ediləcək. Tədbirin məqsədi də "Şərq
Tərəfdaşlığı" proqramına üzv ölkələrdə müəllim
hazırlığı və ixtisasının artırılması ilə bağlı
mövcud məsələlərin müzakirəsi, bu sahədə təcrübə
mübadiləsinin həyata keçirilməsi, gələcək
perspektivlərin müəyyənləşdirilməsi və
iştirakçıların bu mühüm mövzu ətrafında dialoqa
cəlb edilməsidir.
Ali
məktəblərdə müəllimlərin hazırlanması və
ixtisasının artırılmasından söz açan nazir
dedi ki, bu sahədə innovasiyaların bizim
təhsilimizə gətirilməsi üçün əsası olan
"Təhsilin əsasları" fənni, artıq bir neçə ali
məktəbdə (ADPU, AMİ, GDU) tətbiq olunur. Bu
zaman tələbələr yeni texnologiyaların tətbiqinə
nail olur və təlim zamanı elektron resurslardan
istifadə edilir.
Seminarda
Avropa Komissiyasının nümayəndəsi Helene Skikos
və digər xarici qonaqlar da çıxış etdilər.
Seminar
diskussiya şəklində başa çatdı.
Şakir CƏFƏROV |
