|
Oktyabrın 1-də Azərbaycan Dillər Universitetində
1 və 2 saylı ingilis dili, alman və fransız
dili fakültələrinin IV kurs tələbələrinin
pedaqoji təcrübəsinin başlanmasına həsr olunmuş
konfrans keçirildi. Qeyd edildi ki, 2011-2012-ci
tədris ilində oktyabrın 1-dən noyabrın 5-dək ADU-nun
464 tələbəsi Bakının 26 məktəbində pedaqoji
təcrübə keçəcək.
Konfransda 1 saylı ingilis dili fakültəsinin
dekanı, professor Əfqan Abdullayev çıxış edərək
pedaqoji təcrübənin tələbələrin həyatında vacib
rol oynadığını bildirdi.
Daha sonra ADU-nun pedaqoji təcrübə rəhbəri
Bəxtiyar Həmzəyev tələbələrin əvvəl olduqları
məktəblərdə təcrübə keçəcəklərini diqqətə
çatdırdı. Onun sözlərinə görə, bəzi qruplarda
müəllimlərin bölgüsü dərs yükünə uyğun olaraq
aparılıb. Konfrans pedaqoji təcrübə rəhbərinin
təcrübəyə təhkim olunan müəllim və tələbələrin
siyahısını təqdim etməsi ilə yekunlaşdı.
Şakir CƏFƏROV |
