|
Müəllimlik şərəfli peşədir. Mənə görə bu peşəni
özünə ömür yolu seçənlər dünyanın xoşbəxt
insanlarıdır. Çünki müəllim öz çətin əməyi ilə
neçə-neçə insanı həyata hazırlayır, ömürlərinə
işıq salır.
Belə müəllimlərdən biri də Goranboy rayonu
Səfikürd kənd orta məktəbinin kimya-biologiya
müəllimi İsgəndər Fərhad oğlu Səklikovdur.
Məktəbin pedaqoji kolektivinin və dərs dediyi
şagirdlərin sevimlisi olan İsgəndər Səklikov
2006-cı ildə "Əməkdar müəllim" fəxri adına layiq
görülmüşdür.
"Arı kəşfi", "İnsan zaman heykəlidir", "Xalq
təbabətindən bir damla", "Xalq pedaqogikasından
bir damla" və "Şagird üçün qısa izahlı kimya
lüğəti" kitablarının müəllifidir.
Öz qarşısına yeni-yeni nailiyyətlər əldə etmək
məqsədi qoyan, bu yolda yorulmadan çalışan
İsgəndər müəllim 2010-2011-ci dərs ilində
keçirilən "Ən yaxşı müəllim" müsabiqəsinin
qalibi olmuşdur. İsgəndər müəllimin "Ən yaxşı
müəllim" adını alması bizi də sevindirir və daha
yaxşı çalışmağa sövq edir. Ona şərəfli işində
yeni-yeni uğurlar, cansağlığı arzulayırıq.
Şəmşir RÜSTƏMOV,
Goranboy rayonu Səfikürd kənd
tam orta məktəbinin coğrafiya müəllimi |
