|
Macarıstanın Sombatxey şəhərində yeniyetmə
güləşçilər arasında dünya çempionatı davam edir.
Çempionatın ikinci günündə mübarizə aparan
sərbəst güləşçilərimiz 1 qızıl medal
qazanmışlar.
Azərbaycan Güləş Federasiyasından AzərTAc-a
bildirmişlər ki, 54 kiloqram çəki dərəcəsində
çıxış edən azərbaycanlı güləşçi Sultan
Nəsrullayev bir-birinin ardınca Ermənistan,
Rusiya, Gürcüstan və Hindistandan olan
rəqiblərinə qalib gəlmiş və qızıl medal
qazanmışdır. Yeniyetmələrin dünya çempionatında
başa çatan sərbəst güləş yarışlarında
güləşçilərimiz ümumilikdə 1 qızıl və 2 bürünc
medal qazanmışlar.
Ümumi komanda hesabında Azərbaycan yığması 47
xalla 6-cı yeri tutmuşdur. Turnir cədvəlində
Rusiya, İran, Hindistan, Qazaxıstan və ABŞ
yığmaları komandamızı qabaqlamışlar. Avqustun
25 və 26-da yeniyetmə qızlar mübarizəyə
qoşulacaqlar. Çempionatın son günlərində isə
yunan-Roma güləşçiləri qüvvələrini sınayacaqlar.
|
