|
Təcrübəli pedaqoq, pedaqoji elmlər üzrə fəlsəfə
doktoru Əziz Musanın Azərbaycanın Milli
Qəhrəmanı Mübariz İbrahimova həsr olunmuş "Mübariz
dastanı "kitabı "Mütərcim" nəşriyyatı tərəfindən
işıq üzü görüb. Kitabda Mübariz İbrahimovun
döyüş şücaətindən, qəhrəmanlığından və
vətənpərvərliyindən bəhs edən şeirlər
toplanmışdır.
Öncə kitabın ön söz yazılan hissəsini
həyəcansız oxumaq mümkün deyil. Burada qeyd
olunur ki, 2010-cu il iyun ayının 19-da Tərtərin
Çaylı kəndi istiqamətində Ermənistanın silahlı
qüvvələri ilə gedən qanlı döyüşdə yüzlərlə
erməni əsgərini məhv edən və yaralayan Mübariz
İbrahimovun adı indi dillər əzbəridir.
Artıq Mübariz bir ailənin yox, bütün Azərbaycan
xalqının oğludur. Onun haqqında danışarkən "Bizim
Mübariz" deyirlər. İndi hər yerdə, içtimai
binalarda, məktəblərdə, maşınlarda Mübarizin
şəklini görmək olur.
Ümidvarıq ki, Milli Qəhrəman Mübariz İbrahimov
haqqında yazılan Əziz Musanın "Mübariz dastanı"
kitabı oxucular tərəfindən böyük rəğbətlə
qarşılanaraq sevilə-sevilə oxunacaq.
Şakir CƏFƏROV |
