|
 Bu
mövzu ilə Ümid Cümşüdov Təhsil Nazirliyinin
keçirdiyi "Elektron təhsil" respublika
müsabiqəsində iştirak edib. "İbtidai təhsildə
informasiya texnologiyalarından istifadə üzrə ən
yaxşı metodika" nominasiyasında qalib olan
Ümid müsabiqəyə təqdim etdiyi bu mövzunu
təsadüfən seçməmişdir. Fiziki imkanlarının
məhdudluğuna baxmayaraq, o, canından çox
istədiyi Azərbaycan üçün nələr etmək istəmir...
Haqqında söhbət açdığımız Ümid Cümşüdov
Bakıdakı 219 nömrəli evdə məktəbin VIII
sinfini bu il bitirdi. Onun böyük ürəyi, qəlbə
sığmayan sonsuz arzuları var. O, "Gül
bayramı"nda, "Ətraf mühit və biz" mövzularında
keçirilən olimpiadalarda, distant tədris
layihəsində, dekorativ tətbiqi sənət
nominasiyaları üzrə keçirilən müsabiqələrdə
uğurlu iştirakına görə dəfələrlə müxtəlif
təşkilatlar tərəfindən diplomlar və
hədiyyələrlə mükafatlandırılmışdır.
Sevimli şagirdim Ümid "Azərbaycan - dünyam
mənim" rəsm üzrə keçirilən yaradıcılıq
müsabiqəsinin qalibidir. Bir çox müsabiqələrdə
Ümidin qalib olmasının sirri də onun
vətənpərvərliyində və əməksevərliyindədir.
Arzusu isə rəssam olmaqdır.
Məhəbbət MEHDİYEVA,
Bakıdakı 219 nömrəli evdə məktəbin
müəllimi, respublikanın maarif əlaçısı |
