|
Rusiyanın Sankt-Peterburq Dövlət Universitetinin
şərq fakültəsinin professoru A.Fərzəliyevin
rəhbərliyi ilə həmin fakültənin bir qrup
tələbəsi "Yay məktəbi" layihəsi çərçivəsində
Xəzər Universitetində olmuşlar.
Xəzər Universitetindən AzərTAc-a bildirmişlər
ki, iyunun 26-dək davam edəcək layihənin əsas
məqsədi iştirakçıları Azərbaycan tarixi,
ədəbiyyatı ilə yaxından tanış etmək və
tədqiqatlar aparmaqda onlara kömək göstərməkdir.
Qeyd edək ki, qonaqlar səfər çərçivəsində
Bakıdakı qədim tarixi məkanlara, muzey, teatr və
kitabxanalara da gedəcəklər. |
