|
Astara Pedaqoji Kollecində "Ulu öndər Heydər
Əliyev Azərbaycan xalqının xilaskarıdır"
mövzusunda elmi-praktik konfrans keçirilmişdir.
Elmi-praktik konfransa rayon icra
hakimiyyətinin, idarə, müəssisə və təşkilat,
inzibati-hüquq orqanlarının rəhbərləri, təhsil
işçiləri, ziyalılar, valideynlər, ictimaiyyətin
nümayəndələri dəvət olunmuşdular.
Astara Rayon İcra Hakimiyyətinin başçısı Taleh
Qaraşov və konfrans iştirakçıları əvvəlcə
ümummilli liderin guşəsi önünə gül dəstələri
düzmüş, sonra istedadlı tələbələrin əl
işlərindən hazırlanmış sərgi ilə tanış olmuşlar.
Konfrans kollecin akt zalında öz işinə
başlamışdır. Kollecin direktoru, fəlsəfə
doktoru, dosent, respublikanın əməkdar müəllimi
Əlihəsən Həmzəyev tədbiri giriş sözü ilə açmış,
1993-cü ilin iyun hadisələri, AXC-Müsavat
iqtidarının səriştəsizliyi nəticəsində yaranmış
xaos vəziyyəti və bu ağrılı zamanda ulu öndər
Heydər Əliyevin Bakıya gəlişinin qurtuluşun
başlanğıcı kimi Azərbaycan tarixinə qızıl
hərflərlə yazıldığını xüsusilə vurğulamışdır.
Ümummilli liderin ölkəmizdə gənclərə və təhsilin
inkişafına xüsusi qayğı göstərdiyini qeyd edən
Ə.Həmzəyev möhtərəm Prezidentimiz cənab İlham
Əliyevin bu kursu qətiyyətlə davam etdirdiyini
bildirmişdir. Kollecin direktoru təhsil
sahəsində qazanılmış uğurlardan danışmış,
pedaqoji kollektivin və tələbələrin ümummilli
liderin ideyalarına, zəngin nəzəri irsinə daim
sadiq olduqlarını diqqətə çatdırmışdır.
Sonra kollecin tarix müəllimi Ruslan Əliyev
"Qurtuluşa gedən yol", Azərbaycan dili və
ədəbiyyat müəllimi Arzu Hüseynova "Qurtuluş günü
- xalqımızın xilas günüdür" mövzularında məruzə
etmişlər.
Astara Rayon İcra Hakimiyyəti başçısının
humanitar məsələlər üzrə müavini Natiq İbadov,
rayon gənclər və idman idarəsinin rəisi Ərçə
Əliyev, kollecin müəllimlərindən Möhübbət
Eyvazov, Xalid Məmmədov, Nigar Məmmədova,
tələbələrdən Əhliman Müqəddəsov və Nazənin
Hüseynzadə tədbirdə çıxış etmiş, Azərbaycan
dövlətinin qurucusu və banisi Heydər Əliyevin
tarixi xidmətlərindən bəhs etmişlər.
Sonra kollecin tələbələrindən ibarət musiqi
qruplarının iştirakı ilə bayram konserti nümayiş
olunmuşdur.
Azad ABDULLAYEV |
