|
 İyunun
14-də Bakıdakı 115 nömrəli körpələr evi-uşaq
bağçasında 15 İyun - Milli Qurtuluş Günü
münasibəti ilə tədbir keçirildi. Bağçanın
al-əlvan şarlar, bayraqlarla bəzədilmiş
həyətində keçirilən bayram tədbirini tərbiyə
ocağının müdiri Şəfiqə Yaqubova açaraq
iştirakçıları Milli Qurtuluş Günü münasibəti ilə
təbrik etdi. Bildirdi ki, dünya miqyasında
tanınmış siyasətçi və dövlət xadimi, ümummilli
lider Heydər Əliyevin hakimiyyətə gəlişindən
sonra respublikada hökm sürən özbaşınalığa son
qoyuldu, gələcək inkişafın bünövrəsini təşkil
edən sabitlik bərqərar edildi, ölkəni bürümüş
ağır böhran aradan qaldırıldı və dövrün
tələbinə uyğun köklü islahatlar həyata
keçirilərək xalqımız əmin-amanlığa, xoşbəxtliyə
qovuşdu. Ş.Yaqubova ulu öndərin hakimiyyəti
illərində olduğu kimi bu gün də uşaqlara
göstərilən dövlət qayğısından danışdı. O,
gələcəyimiz olan uşaqların böyüməsində və təhsil
almasında ölkə başçısı cənab İlham Əliyevin
həyata keçirdiyi işlərdən söhbət açdı.
Tədbirin
aparıcısı, məktəbəhazırlıq qrupunun tərbiyəçisi
Bahar Balabəyova Milli Qurtuluş Günü münasibəti
ilə bağçanın kollektivini və qonaqları təbrik
etdi. O, 1993-cü ilin 15 iyununun Azərbaycan
xalqı üçün böyük tarixi-siyasi əhəmiyyəti barədə
məlumat verdi.
"Əsgər
marşı"nın sədaları altında, əllərində kiçik
bayraqlar meydana daxil olan balaca fidanlar
müstəqil Azərbaycanın qurucusu, uşaqların
sevimlisi, ulu öndər Heydər Əliyevə həsr edilmiş
"Bizim Heydər babamız" mahnısını ifa etdilər,
şeirlər söylədilər, rəqs nömrələri göstərdilər.
Rəşad ZİYADOV |
|
